Компания туралы
Республикалық Медицина Академиясы (бұдан әрі — РМА, бұрынғы РИПОВ) 2010 жылы құрылған және Қазақстандағы қосымша кәсіптік білім беру жүйесіндегі жетекші мекемелердің бірі болып табылады.
Миссия, пайымдау және мақсаттар
Білім беру, ғылым және практиканы кіріктіру негізінде денсаулық сақтау жүйесі үшін жоғары білікті, бәсекеге қабілетті мамандар даярлау және олардың үздіксіз кәсіби дамуы.
Жабдықтар мен инфрақұрылым
Академия өзінің 4 қабатты оқу ғимаратында орналасқан. Оқу сабақтары ҚР МЖМБС-қа сәйкес аудиториялар мен зертханаларда, ал практикалық бөлігі медициналық ұйымдар базасында өткізіледі.
3 231 м²
оқу ғимаратының жалпы ауданы
60
оқу кабинеті
30
аудиториялар мен зертханалар
255 м²
спорт залының ауданы
Сондай-ақ 30 орындық мәжіліс залы, асхана және медициналық тексеру кабинеті мен емшара кабинетінен тұратын медициналық пункт бар.
Кітапхана
Академия кітапханасының жалпы ауданы 80 м² және оған абонемент, оқу залы, электрондық кітапхана мен кітап қоймасы кіреді. Қор жыл сайын жаңа оқу, оқу-әдістемелік және анықтамалық әдебиетпен, көрнекі құралдармен және электрондық оқулықтармен толықтырылады. Тыңдаушыларға сыртқы электрондық кітапханалар, соның ішінде Республикалық жоғары оқу орындары аралық электрондық кітапхана және «Консультант врача» қолжетімді.
Қашықтан оқыту платформасы
Ақпараттық ресурстарды басқару және тиісті инфрақұрылымды дамыту — Академияның басты басымдықтарының бірі. РМА-да меншікті қашықтан оқыту жүйесі әзірленген, оған оқытушылар, тыңдаушылар мен әкімшілер интернет пен кіру құпиясөздері болған жағдайда әлемнің кез келген нүктесінен тәулік бойы, аптасына 7 күн онлайн қол жеткізе алады.
Академия сандармен
РМА басшылығы материалдық-техникалық базаны нығайту бойынша жүйелі түрде шаралар жүргізуде: кабинеттер мен зертханалар оқу фантомдарымен, манекендермен, медициналық тренажерлермен, ал симуляциялық орталық жоғары технологиялық компьютерлік манекендермен жабдықталған. Бөлімшелер интернетке қосылған, проекторлармен, интерактивті жабдықтармен және тыңдаушыларға арналған Wi-Fi желісімен қамтылған.
РМА-ның ерекшелігі — меншікті клиникалық базасының болуы: «DENT» РМКК және «LAB» РМКК, онда тыңдаушылар қосымша білім берудің практикалық бөлігін стоматология және ортопедиялық стоматология саласындағы заманауи технологиялар мен әдістерді пайдалана отырып өтеді.
Клиникалық базалар
Мамандарды даярлау сапасын жетілдіру және оларды оқытуға қолайлы жағдай жасау мақсатында, сондай-ақ МЖМБС пен ЕСПК талаптарына сәйкес Академия Қазақстан Республикасы бойынша 150-ден астам клиникалық базамен және шетелдік білім беру ұйымдарымен шарт жасасты.
Оқытушылар құрамы
РМА үздіксіз білім беру жүйесінде кадрлардың кәсіби біліктілігін арттыру және қайта даярлаудың өзекті бағдарламаларын іске асырады, білім берудегі инновациялық процестерді қолдайды және оқу-әдістемелік жұмыстың тиімділігін қамтамасыз етеді. Академиядағы қосымша білім беруді үнемі дамып, біліктілігін арттырып отыратын жоғары білікті кәсіби педагогтар құрамы жүзеге асырады.
Қызметкерлер үшін ғылыми және білім беру қызметіне жағдай жасалып, әлеуметтік қолдау және ынталандыру шаралары қарастырылған. Тұрғын үймен қамтамасыз ету — Академия басшылығы ерекше назар аударатын маңызды мәселелердің бірі: биыл РМА 10 қызметкерге тек коммуналдық қызметтерге ақы төлеу шартымен тұрғын үй берді.
Медициналық колледж
Республикалық Медицина Академиясы білім беру деңгейлерінің сабақтастығы мен үздіксіздігін қамтамасыз етеді — бұған 2018 жылғы 1 қыркүйекте медициналық колледждің ашылуы дәлел.
Колледж 24.02.2025 жылғы № KZ90LAM00000907 мемлекеттік лицензия негізінде мына мамандықтар бойынша күндізгі оқу нысанында медициналық бейіндегі мамандарды даярлайды:
Емдеу ісі
- 4S09120101 «Фельдшер»
Мейіргер ісі
- 4S09130103 «Жалпы практикадағы мейіргер»
- 5AB09130101 «Мейіргер ісінің қолданбалы бакалавры»
- 3W09130101 «Күту ісінің кіші мейіргері»
Акушер ісі
- 4S09130201 «Акушер»
Стоматология
- 4S09110102 «Дантист»
Ортопедиялық стоматология
- 4S09110201 «Тіс технигі»