Мемлекеттік қызметтер

«Республикалық Медицина Академиясы» ЖШС білімі туралы құжаттардың телнұсқаларын беру, құжаттарды қабылдау және «Республикалық Медицина Академиясы» ЖШС-не оқуға қабылдау бойынша мемлекеттік қызметтер көрсетеді.

«Республикалық Медицина Академиясы» ЖШС-де мемлекеттік қызмет «бір терезе» қағидаты бойынша көрсетіледі.

«Бір терезе» қағидаты — көрсетілетін қызметті алушының мемлекеттік қызметті көрсету кезінде құжаттарды жинауға және дайындауға барынша аз қатысуын және оның көрсетілетін қызметті берушілермен тікелей байланысын шектеуді көздейтін мемлекеттік қызметті орталықтандырылған түрде көрсету нысаны. («Мемлекеттік көрсетілетін қызметтер туралы» 2013 жылғы 15 сәуірдегі № 88-V Қазақстан Республикасы Заңының 1-тарауы, 1-бабы, 2-тармақшасы)

Мемлекеттік қызметтер көрсетудің талаптары мен тәртібі мемлекеттік көрсетілетін қызметтердің стандарты мен регламентімен айқындалады. Мемлекеттік қызметтер тегін көрсетіледі.

Мемлекеттік көрсетілетін қызметтер тізбесі

Мемлекеттік қызметтер тізіліміндегі кодтары мен атаулары: 801015 — Білім беру ұйымдарында білім алушыларға академиялық демалыс беру; 803019 — Мектепке дейінгі тәрбие мен оқыту, бастауыш, негізгі орта, жалпы орта, техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарының педагог қызметкерлері мен оларға теңестірілген тұлғаларға біліктілік санаттарын беру (растау) үшін аттестаттаудан өтуге құжаттар қабылдау; 803007 — Техникалық және кәсіптік білім туралы құжаттардың телнұсқаларын беру; 803018 — Техникалық және кәсіптік, орта білімнен кейінгі білім беру бағдарламаларын іске асыратын білім беру ұйымдарында білім алушыларды ауыстыру және қайта қабылдау; 803009 — Техникалық және кәсіптік, орта білімнен кейінгі білім беру ұйымдарына құжаттар қабылдау; 803017 — Техникалық және кәсіптік, орта білімнен кейінгі білімді аяқтамаған тұлғаларға анықтама беру.