«Бірге оқиық» – ұлттық руханиятқа бастар жол

2026 жылғы 6 қарашада ұлы ағартушы, педагог Ыбырай Алтынсариннің туғанына 185 жыл толуына орай ұйымдастырылған «Бірге оқиық» атты елордалық бір мезеттік әдеби акцияға «Республикалық медицина академиясы» ЖШС білім алушылары қатысты.

Акцияның басты мақсаты – кітап оқуды насихаттау, жастардың әдебиетке деген қызығушылығын арттыру, рухани құндылықтарды дәріптеу және ұлы ағартушының мұрасын жас ұрпаққа таныту.

Ыбырай Алтынсариннің «Кел, балалар, оқылық!» деген тағылымды үндеуі бүгінгі ұрпақ үшін де өзектілігін жоғалтқан жоқ. Білімге ұмтылу, іздену және оқу мәдениетін қалыптастыру – саналы ұрпақ тәрбиелеудің маңызды негізі.

Кітап оқу – білімге бастар жол, ал білімді ұрпақ – ел болашағы!